خارج نطاق السيطرة

طلاب يتعلمون الانجليزية في اليابان

قبل كم يوم شفت هالفيديو وحسيت بمأساة هالي يضحك D:

لأني للأسف في الفترة الأخيرة صايرة أفصلللل من الضحك وماأقدر أمسك نفسي D: وأحيانا يعني في مواقف ماتصلح أبد أبد لدرجة أخاف أكركر فأسحب نفسي وأطلع من المكان..من جد رحمت البنات المؤدبات الي مو قصدهم يتمسخروا بالاستاذة لكن يجيهم حالة ضحك .قدرت مشاعرهم لأني ماكنت كذا أبدا .. لكن أحيانا في أشياء تصير أكبر منك صراحتن D:
مرة مدرسة مصرية جاية تقدم على وظيفة مدرسة لغة إنجليزية عندنا بالمدرسة..طبعا نظامنا نخليها تحضّر درس وتقدمه لي وتحضر معاي معلمة لغة انجليزية وتقدمه لنا كأننا طالبات ونتفاعل معها مثل الطالبات..المهم هالموقف صار معي مرتين وفي كل المرتين أموت أموووووووت من الضحك.. ليه أضحك طيب؟D:
تعرفون المصريات ينطقون الذال سين ، فالمسكينة تبي تنطق الحروف صح .فتخيل تبي تقرا هالجملة:

this is abook, تقراها ثيث اث أبوك أو يقلب لسانها مرة وحدة وتنطقهم كلهم سين أو شي مب سين تنطقه سين وشي مب ثاء تنطقه ثاء .. يعني قمة الضحككككككككك..>> على فكرة وأنا أكتب الحين قاعدة أضحك بصوت D:،لما أسمع كذا تجيني ضحكة كبيييييييرة وأحاول أضيعها ،ألف وجهي، أطالع ورقة قدامي.. بس لما أوصل للمرحلة الحرجة أطلع من الفصل وأحيانا ماأقدر أستأذن حتى وأخلي خويتي معها ع الأقل هي عندها قدرة تضبط نفسها أكثر مني، لا وتتعذر لي تقول معليه هي مشغولة عندها شغل .. كملي انتي D:<< ياحبيلها والله D:

وأطلع ميتة ضحك ولما أحد يسألني ليه أمووت من الضحك ، وكل ماحاولت أتكلم وأقول لهم طريقتها أفقعععع من الضحك بشكل هستيري جدننننننD:D:

ومرة كنا حاضرين دورة عن فن الإلقاء والمدرب حط لنا مقطع فيديو مثال على نقطة معينة في مهارات الإلقاء، المقطع كان باللغة الإنجليزية ومافيه ترجمة وأنا ماأقدر أفهم كلام كثير وسريع بالانجليزي.. المهم أنا وصديقتي ليلى نفس الحالة بدأ مقطع الفيديو والعالم منشدة معه، وأنا وليلى زي الأطرش في الزفة قلت طيب خلاص ياخي فهمنا انه يتكلم بقوة وثقة ومدري أيش ، حط المقطع الي بعده ياخي ، لكنه مستمر والمشكلة قال شي وقاموا الي معنا يضحكون وأنا D:, لفيت على ليلى وقلت لها : اضحكي ياليلى، العالم قاعدة تضحك ، وبعدها فرطنا في ضحكنا الهستيري واحترمت نفسي وطلعت من القاعة أكمل ضحك لين خلص المقطع D:

وغيرو وغيرو D:

الزبدة: صدق من قال :" إذا كنت ترغب في فهم شخص ما، فعليك أن تسير في حذائه ميلا" :p

كيفكم أنتو .. وكيف مواقفكم الي خارج السيطرة ؟ :)